" မြန်မာပြည် ငြိမ်းချမ်းစေချင်ရင် မအလနဲ. စကစ အမြစ်ဖြုတ်မှဖြစ်မယ် "

 စကစ နှုင်. KNU အကြား စစ်ပြေငြိမ်းရန် အကြိမ်ကြိမ် အစည်းဝေး ပြုလုပ်ကာ အခြေအတင် ဆွေးနွေးခဲ.သော်လည်း တစ်စုံတရာ သဘောတူညီမှု ဆုံးဖြတ်ချက် မချနိုင်သည်.အဆုံး ဒု-ဗိုလ်မှူးကြီးတစ်ဦးမှ မတ်တတ်ရပ်ပြီး " ညီနောင်တို. - ကျွ်ုနုပ် အနည်းငယ် ဆွေးနွေးခွင်.ပြုပါ၊ မြန်မာပြည် တကယ်တမ်း ငြိမ်းချမ်းစေချင်ရင် မြန်မာပြည်မှာ ဗမာတွေမရှိမှ ငြိမ်းချမ်းမယ်၊ ဒါပဲပြောချင်တယ်" ဟု ခပ်ပြတ်ပြတ် လိုရင်း တိုရှင်း ပြောကြားရင်း ထိုင်ချလိုက်ပါတော.သည်။

အစည်းဝေး ဦးဆောင်သူ Chairmanမှ လုံးဝမျော်လင်.မထားသည်. စကားကြောင်. ပါးစပ်အဟောင်းသား ဘာပြန်ပြောရမှန်းမသိ  အချိန်အတန်ကြာ ကြောင်တောင်တောင် ငေါင်အမ်းအမ်း မိန်းမောတွေဝေရင်း သက်ပြင်းတစ်ချက်ချကာ " ဟုတ်ကဲ." ဆိုရုံမှတပါး ထိကရုံးကဲ.သို. မျက်နှာငိုက်ဆိုက်လျှက် တခွန်းတလေမှ ခွန်းတုန်.ပြန် ပြောဆိုခြင်းအလျှဥ်းမရှိ၊ အစည်းဝေးတက်ရောက်သူ အပေါင်းလည်း ကြောင်တကောင်ရှေ. ကြွက်ခြေသံအလား အပ်တချောင်းကျသံပင် ကြားရလောက်သည်. ငြိမ်သက်ခြင်းအတိ ဖုံးလွှမ်းခဲ.လေသည်။

ထိုသူသည် E လို ကျွမ်းကျင်စွာ ပြောဆိုရေးသား နိုင်သည်.အတွက် တပ်စုမှူးအဖြစ် တာဝန်ထမ်းဆောင်စဥ် မုံရွာမှ ကလက္ကတားသို. ရက်ပေါင်း (၉၀)တိတိ ခြေလျှင်ဖြင်. အစီရင်ခံစာပေးပို.ရာ တပ်စုတခုလုံး အထိခိုက်မရှိ ဦးဆောင်နိုင်သဖြင်. ဗြိတိသျှ လူဖြူအရာရှိ၏ ဂုဏ်ပြုခြင်းနှုင်. ကမ္ဘာ.အသက်အငယ်ဆုံး ဂုဏ်ထူးဆောင် ရာထူး ချီးမြင်.ခံရပြီး ဝန်ကြီးဦးနုသည် သူ.သမီးနှုင်. ပေးစားရန် ကမ်းလှမ်းခဲ.ကြောင်း အတွင်းသိသူများ ပြောဆိုချက်အရ သိရသည်။

ဒု-ကမ္ဘာစစ်အပြီး မြန်မာတပ်(BIA) သည် ကရင်လူမျိုးထံမှ လက်နက်ကို သိမ်းယူရန် ကြိုးပမ်းရာမှ ကရင်နှင့်ဗမာအကြား ပြင်းထန်သော လူမျိုးရေး အဓိကရုဏ်းများ တစ်ဖက်နှင့်တစ်ဖက် ရက်စက်စွာ သတ်ဖြတ်ပြီး ရွာပေါင်းများစွာ ပြာကျလောင်ကြွမ်းကာ ထောင်ပေါင်းများစွာသော ပြည်သူများ သေကြေခြင်းကြောင်. ကရင်နိုင်ငံရေးသမား စောဘဦးကြီး (KNU ဥက္ကဌ) မှ 16/4/1947 ခုနှစ်တွင် KNU ၏ လက်နက်ကိုင်အဖွဲ့အစည်း (KNDO) အား တည်ထောင်ခဲ့သည်။

ထိုအချိန် ကရင်vsဗမာ ငြိမ်းချမ်းရေး ဆွေးနွေးပွဲသို. ဖိတ်ကြားခံ ဒု-ဗိုလ်မှူးကြီး ဆွန်ခိုပေါင်သည်  တပ်တွင်းဥပဒေ မလိုက်နာပဲ ခရစ်ယန် နှုင်. တိုင်းရင်းသား များကို  ရာထူးမတိုး/နေရာမပေးခြင်း၊ အရည်ချင်းမရှိသူ ဗမာ,ဗုဒ္ဓများသာ ရာထူးအကြိမ်ကြိမ် တိုးပေးခြင်းအပေါ် မကျေနပ်ချက်များကို အမြဲဖေါ်ပြပြောဆို ရေးသား လေ.ရှိသည်။

သူ.ကို ဗ.က.ပ အား တိုက်ယူရန် ဦးနုအမိန်. ပေးခြင်းခံသော်လည်း ဗိုလ်မှူးချုပ် ကျော်ဇောမှ 'ခဏဆိုင်းပါအုံး'ဟု တားမြစ်သဖြင်. ဗ.က.ပ များ ထွက်ပြေးပြီးမှသာ ထိုနေရာသို. ရောက်ခဲ.ခြင်းအပေါ် မကျေ မနပ်ဖြစ်ကာ "ဗမာတွေ ဘယ်တော.မှ ဂတိမတည်ဘူး-မယုံရဘူး၊ သူတို.ပြောစကား၊ သူတို.ထုတ်သည်. အမိန်.၊ သူတို. ဆွဲသည်.ဥပဒေ သူတို.ကိုယ်တိုင် မလိုက်နာ ဘူး" ဟု မှတ်ချက်ချပြီး ၁၉၄၉ ကရင်ဗမာ ငြိမ်းချမ်းရေး အစည်းဝေး၌  "မြန်မာပြည် တကယ်တမ်း ငြိမ်းချမ်းစေချင်ရင် ဗမာတွေမရှိမှ ဖြစ်မယ်" ဟု ပြောဆိုပြီး နောက်တနေ. ရာထူးဖြုတ်-တောခို -ချင်းတော်လှန်ရေးဖွဲ. ၊ အဖမ်းခံ-ထောင်ချ။
ထိုစဥ်ကတည်းက တိုင်းရင်းသားများအား ခွဲခြားဆက်ဆံ လာခဲ.သည်. သန္ဒေသည် နှစ်ပေါင်း ၇၀ ကျော် လာခဲ.ပြီ။ ဒါက Long Long Ago က ဟာပဲ၊ အခု တန်းတူ အခွင်.ရေး ပေးနေပါပြီ' လို. ငြင်းအုံးမလား?)။

 Google မှာ အလွယ်တကူ ရှာတွေ.နိုင်သည်. လူငယ်ရှေ.နေ ဦးငိုင်ဆာ.ခ်သည် ဥပဒေဖြင်. မဟာဘွဲ.ရပြီး အသက် ၃၅ နှစ်အောက် တနိုင်ငံလုံး ပထမအဆင်. ရသော်လည်း ဂျပန်နိုင်ငံ ပညာတော်သင် သွားခွင်.မရပဲ သူ.အောက် ဒုတိယ ဗမာ/ဗုဒ္ဓကိုပဲ ပို.ခဲ.တယ်။ (ဒါမကြာသေးခင်က အဖြစ်ပျက်၊ ကျန်တာ ပြောမဆုံးပေါင် တောသုံးထောင်)

 အဓိက ဆိုလိုရင်းကတော. ဦးနု၏ ဗုဒ္ဓဘာသာအား နိုင်ငံတော်ဘာသာ ဖြစ်ရမည်ဟု တစ်ချက်ခုတ်ခြင်းသည် နှစ်ချက်ပြတ်ကာ လူများစု (ဗမာ)လည်း လူမျိုးကြီးဝါဒ  မျိုးစေ.အလိုလို ချပြီးသား ဖြစ်ကာ လူနည်းစု တိုင်းရင်းသား နှင်. ဘာသာခြား  များများမုန်း/နှိမ်မှသာ အာဏာရှင်ချသည်. မျိုးစေ.မှအပင်ပေါက်၊ အညွန်.တလူလူပွင်.ကာ အမြစ်အရှည်လည်း ခိုင်မြဲစွာ စွဲနိုင်မည်ဖြစ်သည်။

ဗမာစာသည် ရုံးသုံးစကား ဆိုသည်. မြေသြဇာထည်.ပြီး တိုက်ပုံလုံချည် ဝတ်ရန်ဆိုသည်.ရေကို နှစ်၇၀ကျော် လောင်းချခံ  ဗမာဗုဒ္ဓဘာသာ အားလုံး၏ အတွေးအမြင် အသွေးအသား အတွင်းဂလီစာ၌ သူတို.သည်သာ 1st class ၊ ကျန်အားလုံး 2 nd Class  ဆိုသည်.မှိုင်း အသွင်းခံ ခဲ.သည်. ကျောရိုးကြီးကို ဤနွေဦးတော်လှန်ရေးက ချိုးဖျက်ချေမှုန်း ပြောင်းပြန်လှန် ခဝါချ မြေမြုပ်သင်္ကျိုကာ ဖန်ဆင်းရှင် ဘုရားသခင်၏ မူလဧဒင်ဥယျဥ်မှ လူသားတိုင်းအား ပေးထားသည်. တန်းတူညီမျှသည်. အခွင်.ရေးကို ပြန်လည်ရယူရန် သွေးလိုကသွေး၊ အသက်လိုက အသက်၊ ငွေလိုကငွေ ၊ လူလိုကလူ ပေးဆပ်ရန် အားလုံး အသင်.ရှိနေပြီ။

ဤနွေဦးတော်လှန်ရေး ကွင်းပြင်သို. KNU , KIA , AA နှုင်. ဉီနောင်ဗမာလည်း ထဲထဲဝင်ဝင်ပါလာပြီး တိုင်းရင်းသား များထက်ပင် ပို၍ စကစကို မုန်းတီး၊ ဆဲဆိုကျိန်စာသင်.ကာ အမှုန်.ကြိတ်ချင်နေကြပြီ။ သူတို. ဗမာ/ဗုဒ္ဓဘာသာ အချင်းချင်း လုပ်ရက်လေခြင်းဟု ပို၍ အော.နှလုံးနာ ငိုကြွေးလျှက် ယခင် အထင်မြင်သေးခဲ.သမျှ တိုင်းရင်းသားဒေသ လွတ်မြောက် နယ်မြေအသီးသီး၌ သင်တန်းတက်ရင်း တွဲသောလက်တွေ မြဲကာ ရင်ဘတ်ချင်း ထပ်တူကျလေပြီ။

နောက်ဆုံးအနေဖြင်. အာဏာရှင်ဆိုတာ ဟိုလူမျိုးပိုချစ်ပြီး ဒီလူမျိုးပိုမုန်းတယ်၊ ဒီဘာသာ-ဟိုဘာသာဆိုတာ မရှိဘူး၊ ဗုဒ္ဓဘာသာကိုလည်း ဘမ်းပြပြီး လှူဒါန်းပြတာ ၊ တကယ်တမ်း ဘာတရားမှ သူတို.မှာ မရှိဘူး၊ သူ.ဖက်ပါသည်.သူ အကုန်အမျိုးတော်ချင်တယ်။ ကုန်ကုန်ပြောရရင် ခေါင်းကြီးပိုင်း တစ်သိုက်ကို မဖမ်း/မသတ်နိုင် သေးသရွေ. အောက်ငယ်သား ဘယ်လောက် သေသေ သူတို. လက်မ‌မြောက်အရှုံးမပေးဘူး။

တီကောင်အား အလယ်မှဖြတ်ဖြတ် ခေါင်းမှဖြတ်ဖြတ် ရသလောက်လှုပ်နေသကဲ.သို ရသည်.နည်းဖြင်. ခုခံနေမည်သာ။ နိုင်မလား-ဘယ်တော.လဲ လာမမေးနဲ.၊ နိုင်ပြီးသားပါ။ ကျွန်တော်က အပြေးသမား ဆိုတော. မီတာ ၄၀၀ , ၈၀၀ နဲ.နှိုင်းပြီး ပြောရရင် နောက်ဆုံးပန်းဝင်ခါနီး အသားကုန်ဆွဲဖို. ခွန်အား မီတာ ၅၀ ချန်ထားရသကဲ.သို. ထိုမီတာ ၅၀ ထဲသို. ခြေတလှမ်းစပြုနေပြီ။ အထက်က ဒု-ဗိုလ်မှူးကြီး စကားအရ မြန်မာပြည်ကြီး ငြိမ်းချမ်းဖို. စကစနဲ. မအလ မရှိမှ ဖြစ်မယ်လို. ပြောကြားရင်း...အရေးတော်ပုံ ဧကန်မုချ အောင်ရမည်။

'' ပြည်သူချစ်သော NUG ဝန်ကြီးများရုံးခန်း''

 

ခေတ်မှီတိုးတက်လာသော PDF (Kalay) လက်နက် ထုတ်လုပ်မှု

 

"ဒီတော်လှန်ရေး ရှုံးခဲ့ရင်--?"

 

ဒီတော်လှန်ရေး အောင်ခဲ့ရင်လို့ အများကြီးတွေးပြီး စိတ်ကူးယဉ် ကြည့်လို့ရတယ်။ ရွှေရောင်အနာဂတ်၊ နတ်စီသော အိပ်မက်တွေပေါ့။ ရှယ်မိုက်လွန်းလို့ လူတိုင်းတွေးဖြစ်နေမယ့်အရာတွေမို့ အကျယ်ချဲ့ မပြောတော့ဘူး။

ဒီတော်လှန်ရေး ရှုံးခဲ့ရင်လို့ တွေးကြည့်လိုက်စမ်းပါ။ အမှန်တရား ပြောမယ်။ အရမ်းခါးတယ်။ ဆောရီး။ နယ်စပ်ကနေ တော်လှန်ရေး တာဝန်တွေ ထမ်းဆောင်နေကြသူတွေ အခုထက်အခုထက် ပိုပြီး ပြည်ပ ရောက်ကုန်မယ်။ အကုန်ကုန်သွားမယ်။ ဆက်လုပ်မယ့်သူ မရှိတော့ဘူး။ ပြည်ပကနေ ဆက်လုပ် ဖို့ဆိုတာ Limitation တွေ အများကြီးပဲ။ ထိုင်စားလို့ရတဲ့ နိုင်ငံတွေ မဟုတ်ဘူး။ အချိန်ကြာလာတာနဲ့အမျှ ရပ်တန့်ကုန်ကြမှာပဲ။ 

 

အချိန်တန်ရင် Green Card ရမယ်။ Citizen ဖြစ်ကုန်မယ်။ အစပိုင်းမှာ ခက်ခဲပေမယ့် ဘာပဲဖြစ်ဖြစ် လူပီပီသသရှင်သန်ရတဲ့နိုင်ငံမှာ လူအဖြစ်ရကြမယ်။ ၈၈တုန်းကလည်း ဒီလိုပဲ။ အမေရိကားမှာတင် သိန်းချီ သန်းချီ။

 

တောထဲက လူငယ်တွေလား။ သေကြမယ်။ အဖမ်းခံရမယ်။ မသေတဲ့ အချို့တစ်ဝက်က နယ်စပ်ဒုက္ခသည်စခန်းကနေ နိုင်ငံခြား ရောက်ကုန် ကြမယ်။ အပေါ်ကပြောခဲ့တဲ့လူတွေလိုပဲ ဆက်ဖြစ်သွားမယ်။ မယုံမရှိနဲ့။ ၈၈ တုန်းက သေနတ်ကိုင် စစ်တိုက်ခဲ့တဲ့ တော်လှန်ရေးသမားတွေ အမေရိကားမှာ အများကြီး။ 

 

ထောင်ထဲက ပြည်သူတွေလား။ နှစ်ရှည်ထောင်ဒဏ်တွေနဲ့ ထောင်သက် မပြည့်ခင် သေသူသေမယ်။ ဆန်ရှင်အလျှော့ခံချင်ရင် တို့တိတို့တိလွှတ်ပေးမယ်။ အပြင်ရောက်လာရင် ပြင်ပလောက အကြောင်း ဘာမှမသိတော့တဲ့ စိတ်ဒဏ်ရာလူသားတွေအဖြစ် ရှင်သန်ကြရမယ်။

 

 နောက်ဆုံး စစ်ဖိနပ်အောက်မှ ပြားပြားဝပ်ကျန်ခဲ့မှာ ပြည်တွင်းက ပြည်သူတွေပဲ။ လမ်းသွားရင် ဖုန်းစစ်ခံရမယ်။ ပေါ်တင် ဆက်ကြေး တောင်းမယ်။ ခြင်ထောင်လှန် ဧည့်စာရင်းစစ်ခံရမယ်။ ဒေါ်လာစျေး နှစ်ထောင်အထက်နဲ့ ဆင်းရဲတွင်း နက်သထက် နက်မယ်။ 

 

ပြည်ပကို အိမ်ဖော်ပို့ခံရမယ်။ ကျန်သလောက် သယံဇာတ အပြီးခွါချခံရပြီး ကုန်းကောက်စရာမရှိအောင် လုပ်မယ်။ သိစေချင်တဲ့အရာပဲ သိခွင့်ရမယ်။ ဥာဏ်ရည်ဥာဏ်သွေးတွေ နိမ့်ကျလာမယ်။ ဖမ်းရင်ခံရမယ်။ သတ်ရင်ခံရမယ်။လုရင်ခံရမယ်။ တောင်းရင် ပေးရမယ်။ ဘဝတွေ ရှင်လျက်သေရမယ်။

 

အတိုချုပ်ပြောရရင် ခွေးဖြစ်တာလို့ ခေါ်တယ်။ ခွေးတောင်မှ ကားအကောင်းစားပြတင်းပေါက်မှာ လေညှင်းခံပါသွားမယ့် ခွေးမဟုတ်ဘူး။ ခွေးဝဲစားဖြစ်မှာ။ ပြည်ပကလူတွေကို ဆဲဆဲ၊ နယ်စပ်ကလူတွေကိုဆဲဆဲ။ ဆဲချင်သလောက်ဆဲ။ ဘယ်သူ့ဘယ်သူကမှ တာဝန်ရှိနေတာ မဟုတ်ဘူး။ ကိုယ့်အသိစိတ်နဲ့ကိုယ် ကိုယ့်ပုခုံးနဲ့ ကိုယ်ဝင်ထမ်းကြတဲ့ သူတွေချည်းပဲ။ ရှုံးသွားရင် ခွေးဖြစ်ကျန်ခဲ့မှာ ခင်ဗျားတို့တွေ။ ပြောရတာ ဝမ်းနည်းတယ်။ စိတ်မရှိနဲ့။ မပြောချင်ဘူး။

 

 ဒါပေမယ့် မသိမှာစိုးလို့။

ဒီတစ်ခေါက်ရှုံးရင် ပြီးပြီ။ အနည်းဆုံး နှစ်ခြောက်ဆယ်ပဲ။ ဒါတောင် နောက်ထပ် မအလတစ်ကောင်မက ထပ်ပေါ်လာနိုင်သေးတာ။

ဒီတစ်ခေါက်မှာ အမှတ်သည်းခြေလေး ရှိပေးကြပါ။ အတူရုန်းကြရအောင်ပါ။ အားနဲ့အင်နဲ့ ရှိနေတုန်းလေး အပြီးရုန်းကြရအောင်ပါ။

သွေးမအေးကြေး , မရပ်တန့်ကြေး

အားလုံးရဲ့အနာဂတ်တွေအတွက် အားကုန်သုံး ရုန်းကြရအောင်ပါ။

( Crd : PSLo)